Edozein izakiren
bizitzan zehar, jaiotza, hazkuntza, garapena eta eraldaketak gertatzen dira. Hazi
batetik landarea sortzeko inguruneko faktoreen eragina ezinbestekoa da.
Batzuetan baldintza hauek egokiagoak dira eta prozesua erraz ematen da. Aldiz,
beste batzuetan, baldintza zatarragoak dira eta prozesu hori zailagoa bihurtzen
da.
Hazi txiki batetik
sortzen gara denok. Landareekin gertatzen den moduan, pertsonek ere gure
testuinguruaren arabera era batean edo bestean hazi eta ikasten dugu: gure
lagunak, gure eskola, gure gaitasunak, ditugun estimulazioak, gure BALOREAK,
gure ERRESISTENTZIAK… hauek guztiek ahalbidetzen digute hazkuntza pertsonala eta
profesionala. Gizakiok gizataldeak sortzen ditugu eta gu talde bezala prozesu
bizi baten barruan murgildurik gaude: jaio, hazi, garatu, eraldatu eta desegin
egiten gara.
Argi dago azken urteotan hazkuntza eta
hezkuntza prozesu honetan zuzenean sartu den faktore berri batekin topo egin
dugula: Informaziorako eta komunikaziorako teknologia berriak. Hauek
irakasleei laguntzen diete bere lana erraztuz, baina era egokian ez direnean
erabiltzen, guraso, irakasle, instituzio eta haurrengan frustrazioa eta estresa
eragin ditzakete. IKT eta emozioen arteko nahasketa egokia lortu behar dugu,
bidean sentimenduak galdu barik, jarduera teknologikoak egiteko gai diren
gazteak sortzeko. Horrela teknologia gailenduko dute bere esanetara jarriz.
Gure inguruneko hezkuntza tradizionala edukietan oinarritzen da, baina guretzat
emozioak arrazoiak baino garrantzitsuagoak
dira. Agian, gure formakuntza, kontrako norabidean joan beharko zen, hasieran
emozioen munduko hezkuntza jaso eta gero teknologia horiek erabiltzeko edukiak
ikasi. Teknologia gizakien esanetara dago eta gizatiarragoa bihurtzea ondo
legoke, baina zelan?
Gainera, gure
bizimodura hain ohituta gaudenez, askotan ahaztu egiten dugu teknologia berrien
hedakuntza hau ez dela munduaren eskualde handi batean ematen. Hedabide berri
hauek kultura tradizionalak xurgatzen eta baztertzen dituzte desberdintasun
sozialak eta desoreka berriak sortuz.
Gure baloreak ongi eta sakon errotuz landatutako hazia, ondo ureztatuz, zuhaitz bihurtuko da
Baina, nondik dator hazia?
No hay comentarios:
Publicar un comentario